Pūtaiao

oneone

soil

tūingoa

WHAKAMĀRAMA

He ranunga o te parahua, te paraumu me te maramara kōhatu e uhi nei i te paparanga toka i te mata o Papatūānuku. He kohuke, he matū pararopi, he rauropi, he wai, he hau takiwā kei roto i te oneone. Haere tonu ai te tukanga whakahou i te oneone i ngā wā katoa, arā, mā te whakapopo o te matū pararopi me te ngawhere haere o ngā toka.

A mixture of silt, humus and broken rocky material which covers the layer of rock on the surface of the Earth. It contains minerals, organic matter, living organisms, water and air. Soil is continually being renewed through the decay of organic material and the weathering of rock.

Tauira KŌrero

Me pēhea te whakamōmona i te oneone kia pai ake ai te tupu o ngā hua whenua?

Rangahautia ngā ingoa o ngā momo oneone.

Ka tītōhea haere te oneone mēnā he rahi rawa ngā tipu me ngā kararehe e whakatupuria ana i ia tau.

WhakamĀrama Āpitihanga

Ko te oneone haumako tēnei. He nui te paraumu me te matū pararopi hei whāngai i ngā tipu, hei pupuri hoki i te wai:

Ko te oneone tītōhea tēnei. Kāore e nui te paraumu, te matū pararopi rānei. Kua pau ngā painga o roto, kua āhua pūehuehu anō hoki:

He ingoa ēnei o ētahi momo oneone:

onehanahana	He āhua kōhatuhatu, he hāuraura te tae.
oneharuru	He kirikiri, engari he mōmona tonu.
onehunga	He oneone ka kawea mai e te wai pērā i te parahua, he haumako tonu.
onekura	He āhua tītōhea, he kura te tae.
onemata	He haumako, he hāuraura te tae.
onematua	He ranunga o te onepū, te uku me te matū pararopi. He haumako.
onepākirikiri	He kirikiri, he āhua tītōhea.
onetea	He oneone puia, he kirikiri, he tea tonu te tae.

Tauira KŌrero

Me pēhea te whakamōmona i te oneone kia pai ake ai te tupu o ngā hua whenua?

Rangahautia ngā ingoa o ngā momo oneone.

Ka tītōhea haere te oneone mēnā he rahi rawa ngā tipu me ngā kararehe e whakatupuria ana i ia tau.