Pūtaiao

kōhauhau

atmosphere

tūingoa

WHAKAMĀRAMA

Ko ngā haurehu e karapoti ana i tētahi aorangi. Ko te tō ā-papa o Papatūānuku e pupuri ana i tōna kōhauhau, kia kore ai e rere noa atu ki tuarangi. Kei roto i te kōhauhau ngā haurehu e mātua ora ai ngā rauropi katoa o Papatūānuku, me ngā haurehu ārai i ngā hihi kino o te Rā e mate ai te tangata.

The gases that surround a planet. The Earth’s gravity holds its atmosphere so that it doesn’t escape out into space. The atmosphere contains the gases which provide life for all organisms on Earth and the gases which block out the damaging rays of the Sun.

Tauira KŌrero

Pēhea nei te whānui o te kōhauhau o Papatūānuku?

Hoahoatia ngā paparanga o te kōhauhau.

Nā te iti o te tō ā-papa o ētahi aorangi, kāore e pupuritia he kōhauhau e ora ai he rauropi i taua aorangi.

WhakamĀrama Āpitihanga

E toru ngā paparanga matua o te kōhauhau:

Ko te kōhauhuri te paparanga o te kōhauhau e pātata ana ki te mata o Papatūānuku, tae atu ki te 15km te tawhiti. Kei konei ngā haurehu e ora ai ngā rauropi katoa, ko te hauota (N₂) me te hāora (O₂) ngā mea matua. Kei konei hoki te mahi a Tāwhirimātea.

Ko te kōhaupapa te paparanga tuarua, mai i te 15km ki te 50km te tawhiti i a Papatūānuku. Ko te hāora-toru (O₃) te haurehu matua o tēnei wāhi, ko te mahi nui a te hāora-toru he miti i ngā hihi katikati o te Rā, kia kore ai e ngaua te kiri o te tangata.

Ko te kōhaukatote te paparanga tuatoru, tae noa atu ki te 1,000km te tawhiti i a Papatūānuku. Kei tēnei o ngā paparanga te mahi nui ki te miti i ngā hihi kama o te Rā, kia kore ai e kaha pāpā mai ki a Papatūānuku.

Takenga Mai

kō (kōpaki) - envelop

hau - gas

Tauira KŌrero

Pēhea nei te whānui o te kōhauhau o Papatūānuku?

Hoahoatia ngā paparanga o te kōhauhau.

Nā te iti o te tō ā-papa o ētahi aorangi, kāore e pupuritia he kōhauhau e ora ai he rauropi i taua aorangi.